بھونیشور،27/اکتوبر(ایس او نیوز؍آئی این ایس انڈیا) اڑیسہ حکومت نے ریاست انتظامی سروس کے دو اور حکام کو برطرف کر دیا ہے۔ساتھ ہی بدعنوانی کے مقدمات میں مبینہ ملوث ہونے کے لئے نو دیگر حکام کی پنشن روک دی گئی ہے۔ افسر نے بتایا کہ لوئی سنگھا کے سابق تحصیلدار بجیانی بسوال اور کومنا بلاک کے افسر پردیپ کمار بیہرا کو سروس سے برخاست کیا گیا ہے۔ ایک سرکاری حکم کے مطابق دونوں افسران آمدنی اور ڈیزاسٹر مینجمنٹ کے سیکشن میں کام کر رہے تھے۔ افسر نے بتایا کہ برخاست اواے ایس حکام کو بدعنوانی کے معاملات میں مجرم ٹھہرایا گیا تھا۔ آمدنی اور ڈیزاسٹر مینجمنٹ ڈیپارٹمنٹ نے بدعنوانی کے مقدمات میں مبینہ ملوث ہونے کے لئے تین ریٹائرڈ افسران سمیت نو حکام کے پنشن کے فوائد سے روک دیا ہے۔ اڑیسہ حکومت نے حال ہی میں تمام محکموں کو دئیے سرکلر میں کہا تھا کہ سسٹم سے بدعنوان اور غیر ہنر مند عناصر کو باہر نکالنے کی کوشش کی جانی چاہئے۔ اس سے پہلے اڑیسہ حکومت نے چار اواے ایس حکام، چار انجینئرز، ڈی ایف او سدھانشو مشرا اور تین پولیس اہلکاروں کو بدعنوانی کے معاملات میں ان کے مبینہ ملوث ہونے کے لئے وقت سے پہلے ریٹائرمنٹ کر دیا تھا۔